Inspetor Traballu Halo Investigasaun ba Asidente Traballu iha Munisípiu Ermera

Kategoria Notisia: Nasional

8 de Julho de 2026

Ermera, 2 Jullu 2026, Inspetur Traballu ne’ebé kompostu husi Sr. Joeder Madeira no Sr. Nazario de Deus, akompaña husi Funcionariu Apoiu Tékniku Sr. Leopoldino Gonçalves, halo investigasaun ba asidente traballu ne’ebé akontese iha fatin servisu iha Postu Administrativu Letefoho Munisipiu Ermera ba projetu konstrusaun Estrada nebe’é mak implementa husi Empreza ho inisial CCECC, Lda. Asidente traballu rua mak akontese, ida kareta monu ba rai naruk hodi rezulta kondutor ne’ebé lori kareta lakon vida iha dalan wainhira evakua husi fatin akontesementu atu mai ospital Gleno, no asidente ida seluk hetan kanek grave iha traballador nia ain parte los tanba hetan pankada husi besik beton no agora dadaun halo hela tratamentu iha Ospital Nasional Guidu Valadares Dili. Informasaun ba asidente hirak ne’e IJT asesu liu husi Media hodi nune’e, IJT halo kedas intervensaun hodi halo investigasaun no prosesu tuir Lei ne’ebé mak vigora iha Timor Leste.