INSPESAUN JERAL TRABALLU
Inspesaun Geral Traballu –IGT harií bazeia Decreto-Lei no.19/2010, de 1 de Dezembro, Konvensaun n.º 81 no Konvensaun n.º 129 OIT neébe servisu hare liu ba iha Leis no regulamentus ne’ebé kontrolu ba nia aplikasaun depende ba kompetênsia inspesaun traballu publikadus kada tinan; Pessoal inspesaun traballu; Estatístikas estabelesimentus sujeitus ba fiskalizasaun inspesaun no númeru traballadores empregadus iha estabelesimentus sira ne’e; Estatístikas visitas inspesaun; Estatístikas infrasaun kometidas no sansaun sira aplikadus; Estatístikas asidentes traballu; Estatístikas doensas profissionais; Assuntus sira seluk tan ne’ebé iha relasionamentus, desde kue iha kompetênsia.
Bazeia ba dispostu iha artigu 7º/2-d Decreto Lei n.º 19/2010, 1 Dezembru, estatutu da Inspesaun-Geral Traballu (IGT), iha responsabilidade tomak husi Inspetor-Geral Traballu neébe iha kompetênsia konaba promosaun no kontrolu ba kumprimentu disposisoens legais, regulamentares no konvensionais respeitantes ba kondisoens traballu (kfr. Art. 3º Konvensaun n.º 81 OIT, Art. 98o Lei no.4/2012 de 21 de Fevereiro, no Art.5º Decreto Lei n.º 19/2010).
Assaun IGT iha âmbitu territóriu nasional no inside iha empreza sira iha setor atividade sira hotu ho sira nian traballador, nomos kualker fatin ruma ne’ebé verifika iha prestasaun traballu ka iha indísiu fundamentadu prestasaun traballu. Iha servisu no organismu administrasaun públika, direta no indireta, inkluindu institutu públiku ne’ebe iha modalidade servisu personalizadu ka fundus públiku, asaun IGT só respeita ba kontrolu ba kumprimentu konaba legislasaun sira ne’ebé ligadu ho seguransa, hijiene no saúde iha traballu (kfr. Art.º5º Decreto Lei n.º 19/2010).
IJT iha funsaun no Vizaun maka fó informasaun no akonsellamentu tékniku ba empregador no traballador ka sira nian organizasoens representativas inkluindu autoridade kompetente relevante konaba maneira ka modelu ne’ebé diak liu hodi kumprende no kumpri norma sira ne’ebé temi iha leten.
Wainhira asaun preventiva ne’ebé halao husi IJT maka empregador no traballador ka sira nian organizasoens representativas la kumpri tuir maka IJT iha kompeténsia atu foti medidas kurativu ka asaun sansionatóriu maka hanesan elabora partisipasaun ka halao inkuéritu préviu relativamente ba infrasaun verifikadu no hasai termus nofikasaun, auto adverténsia, auto notísia no aplika multa ho vista atu assegura kumprimentu ba dispozisoens legais no konvensionais vigente hodi promove no melloria kondisoens traballu.
Ho servisu makas no komitmentu hodi servi, Inspesaun Jeral Traballu (IGT) kompleta ona servisu instituisaun nian ne’ebé planeia ba kada tinan ho nia konsentrasaun hare liu ba area fundamentu 4 mak hanesan :
1. Relasaun Traballu, halo ema atu kumpri tuir lejislasaun ne’ebé regula kontratu serbisu nian, maka hanesan Lei Traballu nian, regulamentu ne’ebé asosiada nomos instrumentu ba regulamentasaun koletivu serbisu nian.
2. Seguransa, Ijiene no Saúde iha Fatin Serbisu, halo ema atu kumpri tuir, liu-liu legislasaun no diploma sira ne’ebé halo para atu promove no hadi’a seguransa, Ijiene no saúde traballadór hotu iha fatin serbisu.
3. Kolokasaun Empregu, Protesaun Dezempregu no Traballu Estrangeirus, halo ema atu kumpri tuir normas sira, liu-liu normas ne’ebé ligadu ba traballu estrangeirus no protesaun kontra despedimentu individual no koletiva.
4. Seguransa Sosial no Protesaun Sosial, halo ema atu kumpri tuir normas sira konaba sistema seguransa sosial kontributiva, liu-liu direitu no obrigasaun kontribuintes sira ba iha sistema ida ne,e.
Inspesaun Jerál Traballu (IJT) hanesan serbisu públiku ida ne’ebé dependensia iha membru governu ne’ebé responsavel ba area traballu, no nia misaun maka atu habelar no fiskaliza no kontrolu ba kumprimentu Lei ba Traballu, akordu ka konvensaun internasionál sira ne’ebé Timor-Leste ratifika tiha ona nomos promove polítika ba prevensaun riskus profisionais, seguransa sosiál, kolokasaun empregu no protesaun dezempregu, traballadór estranjeirus, no asegura ninia implementasaun iha territóriu nasionál tomak.
