Komemorasaun Loron Mundial Traballu Infantil iha Munisipiu Aileu

Kategoria Notisia: Nacional

9 de Julho de 2024

Aileu, 12 Junu 2024,- Loron 12 Fulan junu tinan-tinan selebra hanesan Loron Mundial Kontra Traballu Labarik. Hahú kedas husi lansamentu ba dahuluk husi Organizasaun Internasional Traballu (OIT) iha 2002, avizu ne'e sai ona momentu reflesaun ida ba parte interesada hotu-hotu iha esforsu atu halakon labarik sira-nia servisu.

Loron Mundial Kontra Traballu Labarik selebra iha Aileu ba tinan 2024 ho tema "Mai ita halo asaun hoó komitmentu: Hapara Traballu Labarik," ne'ebé hili ona atu asegura katak nasaun hotu-hotu ne'ebé ratifika ona Konvensaun OIT númeru 138 no 182, no mós kompromisu sira seluk iha programa estratéjiku nasionál sira, bele realiza iha asaun reál.

Iha Kondisaun Global no Nasional, Kestaun kona-ba labarik sira-nia servisu sei sai problema globál. Tuir OIT, iha tinan 2021, estimativa katak sei iha labarik maizumenus millaun 160 ne'ebé servisu iha mundu tomak. Iha Timor leste, iha tinan ne'ebé hanesan, maizumenus labarik Rihun 264,038 ho idade tinan 5-17 servisu, Maioria husi labarik sira (129,4% ka maizumenus labarik rihun 204,038) mak iha área rurál sira.

Antes komemorasaun Loron Mundial Kontra Traballu Labarik nian iha loron 12 fulan-junu tinan 2024, Inspesaun Jeral ba Traballu  no Komisaun Nacional Traballu  infantil halaó koordenasaun ho servisu SEFOPE munisipiu Aileu nomos Autoridade Munisipiu Aileu  hodi koalia kona ba prosesu hotu ba komemorasaun eventu refere molok komemora.

komemorasaun neé konvida mos partisipantes husi Membro Governu nivel nasionál no rejionál.

Iha eventu neé hetan partisipasaun husi estudantes no Professores hamutuk 120 husi eskola Munisipiu Aileu neébe komposto husi Escola Primaria, Pre- secundaria no Secundario.  Aleinde estudantes no profesorres, iha mós partisipasaun husi  reprezentante Ministerio Coordenador dos Assuntos Economicos ,Adjunta PDHJ, Presidente INDDICA , Reprezentante Embaxadora Indonesia  no parseiros internacionais mak hanesan UNICEF no ILO.

Atividade ida-ne'e ho objetivu atu hametin kompromisu no papél husi parte oioin atu halakon labarik sira-nia servisu, fornese meius ida atu fahe prátika di'ak sira, no loke fatin ba kriatividade labarik sira-nian iha kampaña ida-ne'e.

Atividade Komemorasaun Loron Mundial kontra Traballu Infantil  ne'e ofisialmente loke husi Representante Ministro Coordenador dos assuntos Econimicos Sr. Francisco ............neébe hateten katak esforsu atu halakon labarik sira-nia servisu presiza apoiu hosi parte hotu-hotu, inklui mundu emprezariál, akadémiku, instituisaun komunidade no família sira nomos haforsa sistema referál no sistema monitorizasaun no hadi'a labarik nia servisu.

Iha momentu Komemorasaun Loron mundial Traballu Infantil 12 de Junnu 2024 iha Municipiu Aileu , Inspesaun Jeral Traballu  no Komisaun Nacional Traballu Infantil konvida parte hotu-hotu atu hatudu sira-nia kompromisu atu halakon labarik sira-nia servisu ba Jerasaun Osan-mean Timor Leste ba Futuru neébe nabilan.

Eventu ba komemorasaun loron mundial ba labarik neébe halaó iha Aileu no  hetan apoio husi Orcamento Geral do Estado neébe aloka liu husi Inspesaun Jeral Traballu  ba iha programa Diversifikasaun ekonomika, sub programa Prevene Traballu Infantil no Traballu Forsadu no atividade komemorasaun loron mundial traballu infantil/ Labarik, nomos hetan apoio husi Organizasaun Internacional do Trabalho (OIT) .

Ksolok Loron Mundial Kontra Traballu Labarik 2024

Tempu atu kumpre ita-nia kompromisu: hapara labarik nia serbisu!

Media IGT