Inspesaun Jeral Traballu hala’o enkontru ho Diresaun Jeral Servisu Migrasaun.

Kategoria Notisia: Nacional

16 de Maio de 2025

Dili, 14 Maio 2025

Iha salaun enkontru Servisu Relasaun Publika (SRP) Caicoli Dili, Inspesaun Jeral Traballu (IGT Sigla Portugés ) hamutuk ho Diresaun Jeral Servisu Migrasaun hala'o enkontru ho objetivu hodi hametin no haforsa liu tan liña koordenasaun entre instituisaun rua ne'e hodi nune'e bele halo atendementu ida ne'ebé diak ba iha prosesu emisaun autorizasaun traballu no vistu traballu ba ema estranjeiru sira ne'ebe mak atu servisu iha territotiu Timor Leste.

Iha Enkontru refere, (IGT) ho Diresaun Jeral Servisu Migrasaun mós tau hamutuk hanoin hodi halo inspesaun konjunta iha teritorio nacional inklui planu enkontru regular kada trimestral.

Enkontru ne’e hetan partisipasaun husi Inspetur Jeral Traballu Sr. Frederico Pereira de Matos, Diretora DNAIGT Sra. Otilia Maria Pereira, Xefe Departamentu Kontraodenasaun-IGT Sr. Sergio da C. Ximenes, no Xefe Setor Permanensia Estranjeiru Servisu Migrasaun Sr. Paulo Soares Freitas.